തിരുവനന്തപുരം വർക്കലയിൽ കടലിൽ ഇറങ്ങി തിരയിൽപ്പെട്ട് കാണാതായ വിദ്യാർത്ഥിനിയുടെ മൃതദേഹം കണ്ടെത്തി. ആയിരൂർ എംജിഎം സ്കൂളിലെ പത്താം ക്ലാസ് വിദ്യാർഥിനിയും ഇടവ വെൺകുളം സ്വദേശിനിയുമായ ശ്രേയയാണ് മരണപ്പെട്ടത്.
ഇന്ന് ഉച്ചയ്ക്ക് 12 30 ഓട് കൂടിയാണ് ശ്രേയ ഇടവ വെറ്റക്കട തീരത്ത് നിന്നും കടലിലേക്ക് ഇറങ്ങിയത്. ശക്തമായ കടൽക്ഷോഭം ഉള്ളതിനാൽ തിരയിൽപ്പെട്ട് പെൺകുട്ടിയെ കാണാതാക്കുകയായിരുന്നു.ഉടൻതന്നെ മത്സ്യത്തൊഴിലാളികളും പരിസരവാസികളും തീരത്ത് നടത്തിയ തിരച്ചിലിൽ കാപ്പിൽ തീരത്ത് പെൺകുട്ടിയെ കണ്ടെത്തുകയായിരുന്നു. തുടർന്ന് പാരിപ്പള്ളി മെഡിക്കൽ കോളേജ് ആശുപത്രിയിൽ എത്തിച്ചുവെങ്കിലും മരണം സംഭവിച്ചിരുന്നു.
ആത്മഹത്യായാണെന്നാണ് പ്രാഥമിക നിഗമനം. മൊബൈൽ ഉപയോഗവുമായി ബന്ധപ്പെട്ട വീട്ടുകാർ പെൺകുട്ടിയെ ശകാരിച്ചിരുന്നു എന്നും വിവരങ്ങൾ ലഭിക്കുന്നു.പെൺകുട്ടിക്കൊപ്പം ഒരു ആൺ സുഹൃത്തു കൂടി കടലിലേക്ക് ഇറങ്ങിയതായും പരിസരവാസികൾ പറയുന്നു ഇയാൾക്ക് വേണ്ടിയുള്ള തിരച്ചിൽ കേസ്റ്റൽ പൊലീസിൻ്റെ നേതൃത്തത്തിൽ തുടരുന്നു
