വേടന്റെ പ്രോഗ്രാമിന് ഇടയിൽ ടെക്നീഷ്യൻ ഷോക്കേറ്റ് മരണപ്പെട്ടു.

വേടന്റെ പ്രോഗ്രാമിന് ഇടയിൽ ടെക്നീഷ്യൻ ഷോക്കേറ്റ് മരണപ്പെട്ടു.തിരുവനന്തപുരം കിളിമാനൂർ വെള്ളല്ലൂരിൽ റാപ്പർ വേടന്റെ പ്രോഗ്രാമിനായി എൽഇഡി ഡിസ്പ്ലേ സെറ്റ് ചെയ്യുന്നതിനിടെ ടെക്നീഷ്യൻ ഷോക്കേറ്റ് മരിച്ചു. വക്കം കോടമ്പള്ളിയിൽ നിന്നും ആറ്റിങ്ങൽ കോരാണി ഇടക്കോട് താമസമാക്കിയ ലിജു ഗോപിനാഥ് (42) ആണ് മരണപ്പെട്ടത്. വൈകുന്നേരം അഞ്ചുമണിയോടുകൂടിയാണ് അപകടം നടന്നത്. ഉടൻതന്നെ കിളിമാനൂരിലെ സ്വകാര്യ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. മൃതദേഹം ചിറയിൻകീഴ് താലൂക്ക് ആശുപത്രിയിലേക്ക് മാറ്റി.വക്കം ആങ്ങാവളയിൽ പോപ്പിൻസ് എന്ന സ്ഥാപനം നടത്തിവരികയാണ് ലിജു ഗോപിനാഥ്.