തിരുവനന്തപുരം വര്‍ക്കലയില്‍ സഹോദരിമാരായ 17ഉം 13ഉം വയസുള്ള പെണ്‍കുട്ടികളെ പ്രണയം നടിച്ച് വശീകരിച്ച് പീഡിപ്പിച്ച കേസില്‍ രണ്ടു പേര്‍ അറസ്റ്റില്‍.
കൊല്ലം ശക്തികുളങ്ങര സ്വദേശി മനു എന്നു വിളിക്കുന്ന അഖില്‍(23), വർക്കല സ്വദേശിയും17 വയസ്സുള്ള പ്ലസ് ടു വിദ്യാർത്ഥിയെയുമാണ് അയിരൂർ പൊലീസ് അറസ്റ്റ് ചെയ്തത്.പരവൂർ- ഭൂതക്കുളം റൂട്ടിലെ ബസ് കണ്ടക്ടർ ആണ് ശക്തികുളങ്ങര സ്വദേശിയായ അഖില്‍.
2023 മുതല്‍ 17 കാരിയായ പെണ്‍കുട്ടിയെ പ്രതികളിലൊരാളും സഹപാഠിയുമായ 17കാരൻ പ്രണയം നടിച്ച് നിരന്തരമായി ശാരീരിക പീഡനത്തിന് ഇരയാക്കിയിരുന്നു വെന്ന് പൊലീസ് പറഞ്ഞു. സഹോദരിമാരായ പെണ്‍കുട്ടികളെയും 17കാരനെയും ബസില്‍ വെച്ചാണ് കണ്ടക്ടര്‍ അഖില്‍ പരിചയത്തിലാകുന്നത്.ഇവരുമായി തന്ത്രപരമായി ചങ്ങാത്തം കൂടിയശേഷം കണ്ടക്ടര്‍ അഖിലും പ്രണയം നടിച്ച് കുട്ടികളെ പീഡനത്തിനിരയാക്കുകയായിരുന്നു
സ്കൂളിൽ നടത്തിയ കൗൺസിലിംഗിൽ ആണ് കുട്ടികൾ പീഡനത്തിനിരയായ വിവരം അറിയുന്നത് പെൺകുട്ടികളുടെ അധ്യാപികമാരാണ് ചൈല്‍ഡ് ലൈനിലും പൊലീസിലും വിവരമറിയിച്ചത്. 17കാരനായ വിദ്യാർഥിയെ ജുവനൈല്‍ ജസ്റ്റിസ് ആക്‌ട് പ്രകാരം ജുവനയില്‍ ഹോമിലേക്ക് വിട്ടു. അഖിലിനെ കോടതിയില്‍ ഹാജരാക്കി റിമാൻഡ് ചെയ്തു
പ്രായപൂര്‍ത്തിയാകാത്ത സഹോദരിമാരെ പീഡിപ്പിച്ച ബസ് കണ്ടക്ടറും 17കാരനും അറസ്റ്റിൽ
- Advertisement -
